Æfingar byrja á miðvikudag

Nú hefur verið gefið út að æfingar byrja á miðvikudag 18.nóv. 

Maðurinn er félagsvera og ein af grunnþörfum hans er að vera þátttakandi í góðum hópi félaga. Grunnþarfir mannsins er að gefa eitthvað frá sér og þyggja frá öðrum til að lifa og dafna. Allt þetta býður knattspyrnuleikur upp á. Sé vel að þjálfun staðið eflir knattspyrna einnig sjálfstraust einstaklings. Þrátt fyrir að ákveðin ögrun þurfi að vera fyrir hendi þá er jákvæð hvatning til allra leikmanna nauðsynleg jafnt og þétt meðan knattspyrnumaður er byggður upp.

      Að leika knattspyrnu er eftirvænting og spenna fyrir börn og unglinga. Knattspyrna er keppni milli einstaklinga og keppni tveggja liða. Hún krefst tæknilegra leikbrellna sem einstaklingar temja sér, búa yfir og skapa, auk leikfræðilegs breytileika sem er afrakstur liðsheildar, félagsþroska og samvinnu. Eitt að aðalmarkmiðum þjálfunar er að búa einstakling undir sjálfstæða ákvörðunartöku og frjálsan leik þar sem gleði og ánægja situr í fyrirrúmi ásamt kennslu tækni og leikfræðilegra atriða.

Leikmaður veit best sjálfur hvað hann getur. Það er þjálfarans og aðstandenda að hvetja hann til dáða. Nauðsinlegt er að meta hæfni hans út frá þroska og kunnáttu og byggja hann þannig jákvætt upp. Tækni einstaklings er höfuðatriði í uppbyggingu ungra leikmanna. Tækniþjálfun og leikfræðilegur skilningur sem börn og unglingar temja sér varir ævilangt.

kv Freyr