Lestar ferð í næsta bæ

Í dag voru tvær æfingar og sú fyrri í rólegri kantinum eftir leikinn í gær en á seinni æfingunni var tekið meira á. Eftir hádegismat var farið með lest (sumir að fara í lest í fyrsta skipti)í næsta bæ og farið í Kringluna á staðnum og sumir fóru í HM meðan aðrir gerð eitthvað annað. Á leiðinni heim var farið á Macdonalds og vel tekið á því hjá strákunum. Það voru sumir þungir á seinni æfingunni eftir ferðina á M.D. Eftir kvöldmat var horft á Danmörk-Armeníu í sjónvarpinu 0-4 Danir teknir í bakaríið. Spenna í strákunum fyrir morgundeginum en þá verður farið í skemmtigarðinn í Djus-summerland og engin æfing.

Jafntefli við heimamenn í Vildbjerg

Vaknað snemma í morgunmat og eftir hann var tekinn göngutúr um miðbæinn.Ekki mikið að sjá en strákarnir fóru í gamla kirkju og báðu um góð úrslit í dag.Hádegismaturinn var á sínum stað og eru allir mjög ánægðir með hann. Eftir mat fóru farastjórar í sólbað en strákarnir áttu að forðast sólina fram yfir leik. 

Leikurinn: spilað við U-14 hjá Vildbjerg en næsti leikur á föstudag verður við U-15 hjá þeim.

Jafn og skemmtilegur leikur mikill spenna hjá okkar strákum og danska liðið vel spilandi og það voru þeir sem komust yfir 1-0 þegar senterinn slapp einn í gegn. Haukastrákar voru ekki lengi að jafna en það var Elli sem setti gott innanfótarskot í fjærhornið. Dönskustrákarnir komust aftur yfir með góðu skoti yfir Birki í markinu. Rétt fyrir hálfleik jafnaði Pétur eftir góða sókn og frábæran undirbúning frá Ella. Seinni hálfleikurinn var spennandi eins og sá fyrri en aftur komust danir yfir nú með skoti úr teignum. Margar skiptingar voru í leiknum og spiluðu allir nema Kalli M sem var hvíldur vegna meiðsla. Margir að leika vel sem komu inná og í einni sókninni eftir gott spil milli manna jafnaði Elli. Nokkuð sanngjarnt en Haukar áttu fleiri færi til að skora en danir. Besti leikmaðurinn í þessum leik var Haukamaðurinn Ísak Jónsson.

Eftir leik var farið í sund og síðan borðaður kvöldmatur, og nú er bara rólegt framundan og tvær æfingar á morgun. 

Frábær dagur í Vildbjerg

Fyrsta nóttin á hótelinu var í þremur 10 manna herbergjum og fór vel um alla. Eftir morgunmat var farið á æfingu og veðrið nokkuð gott en ekki sól. Hádegismaturinn mjög góður og eftir hann var farið í að færa sig í fjögura manna herbergin og erum við allir í sömu álmu. Fyrirlestur um varnartaktík og sóknartaktík var á dagskrá hjá þjálfurum um áður en farið var á seinni æfinguna. Þar var farið í gegnum sóknar og varnartaktík á vellinum. Þegar heim var komið á hótelið var farið í sund og höfðum við hana útaf fyrir okkur, rennibraut,pottar og 25m laug.Kvöldmaturinn frábær og vel tekið til matar hjá strákunum. Nú er ný búinn fyrsta kvöldskemmtunin en haldin var spurninga keppni milli herbergja og sigurvegar urðu þeir sem eru í herbergi 4. Nú eru menn að koma sér í háttinn og undirbúa sig fyrir leikinn á morgunn sem er við U-14 liðið hjá heimamönnum í Vildberg. 

Fjör í Vildbjerg

Allt hefur gengið vel í Danmerkur í dag,sportmiðstöðin mjög fín og æfingavellirnir líka. Eftir æfingu í dag var farið í sund og potta. Flottur matur og ís á eftir. Kvöldið var frjálst og voru strákarnir að leika sér í borðtennis og billiard. Farastjórar búnir að standa sig vel og eru á leið í háttinn enda klukkan orðin 23:00 á dönskum tíma (21:00 á Ísl). 

Kv Freyr 

Haukar-Breiðablik2 í C liðum

Engin æfing á sunnudag. 

Næsti leikur er á mánudag við Breiðablik2 á Ásvöllum og byrjar hann kl 17:00 mæting kl 16:15.

Bergur,Aron A,Sævar,Kaleb,Þórir J,Óliver,Jóhann,Þórir E,Daníel Freyr,Sindri,Rafael,Rikki,Kristján B,Viktor B,Tómas,Aron H,Natan,Aron Freyr.

kv Freyr,Gústi og Árni 

Kæru foreldrar og iðkendu

  Hauka bjóða upp
á metnaðarfullt afreksstarf sem samanstendur af

 Afreksskóla Hauka, fyrir 8.-10. bekkinga, og svo Afrekssviði Hauka fyrir

 bæði framhaldsskólanema og aðra metnaðarfulla íþróttamenn sem vilja meira.

 Allir fæddir 2000 og eldri geta sótt um og fyrri umsóknarfrestur er milli

 3.-17. júní. Ef ástæða þykir til þá verður opnað aftur fyrir umsóknir

 milli 1.-10. ágúst. Þann 15. ágúst fá umsækjendur svör við sinni umsókn.

 

 Kynnið ykkur vel allar upplýsingar sem eru að finna á skráningarsíðunni:

 Sæktu um inn á Afrekslínu Hauka -

HÉR https://docs.google.com/spreadsheet/viewform?formkey=dG9nckxwZ0hkdUhLN3ZtN3pzU290blE6MA>

 

 F.h. Afrekslínu Hauka

 Kristján Ómar Björnsson

 [e-mail]

 S: 695-5415

Hörkuleikir við Breiðablik2 í A og B

Í dag var spilað við Breiðablik2 í Íslandsmótinu á Ásvöllum í A og B liðum.

A leikur

Það voru nokkrir frá í dag en það kemur maður í manns stað. Flottur fótbolti hjá báðum liðum og Haukar meira með boltann. Blikar náðu óvænt forustu með góðu marki en Haukar jöfnuðu 2 mín síðar þegar Sindri skoraði eftir sendingu frá Breka. Haukar tóku öll völd í þeim seinni og Bjartur skoraði flott mark eftir góða sendingu frá Orra. Sindri setti svo sitt annað mark og Óskar innsiglaði sigurinn með fínu marki í lok leiks. Gott að fara í Danmerkuferðina með sigur og full hús stiga.

B leikur

Vel spilaður leikur og Haukar miklu meira með boltann. Sjálfsmark kom Haukum yfir í leiknum þegar Kaleb pressaði vel í teignum. Andri Freyr átt síðan skot af löngu færi sem rataði í markið. Andri Scheving sem var í vörninni í fyrri-hálfleik fór á miðjuna í seinni og setti gott mark. Það var síðan Óskar sem fór illa með vörn Blika og var feldur inn í teig og fékk vítaspyrnu. Úr henni skaraði Andri Freyr af miklu öryggi og sigur í höfn 4-0.

kv Freyr,Gústi og Árni 

Æfing á morgun

Það er æfing á morgun kl 17:00 hjá þeim sem eru ekki að keppa á morgun. Næsti leikur hjá C liði er á mánudag.

kv Freyr,Gústi og Árni 

Haukar - Breiðablik2

Næsti leikur í Íslandsmótinu er á morgun fimmtudag við Breiðablik2 leikurinn fer fram á Ásvöllum

 A lið: Mæting kl 16:15 . 

Birkir,Hjörtur,Kiddi,Kalli P,Andri Fannar,Orri,Ísak J,Kalli M,Pétur,Sindri,Breki,Bjartur,Óskar,Andri Sc,Andri Freyr.

B lið. Mæting kl 17:30 .

Anton,Elli,Sævar,Dima,Marteinn,Þórir E,Jökull,Kiddi,Aron A,Magnús D,Daníel,Alexander,Kaleb,Þórður. 

kv Freyr,Gústi og Árni. 

Rikki með þrennu í C liði

Í dag var spilað við Fylkir2 í C liðum á Ásvöllum (blásvöllum) í miklum rokleik. Haukastrákar tóku öll völd á vellinum frá fyrstu mínútu og uppskáru stórsigur 9-1. Flott spil hjá strákunum og mörg falleg mörk. Mörkin skoruðu Ríkharður 3,Kaleb 1,Þórir E 1,Rafael 1,Sindri 1,Matti 1 og eitt var sjálfsmark. Næsta verkefni hjá C liði er á mánudag.